Davao City – Wala na maabti nga buhi sa Southern Philippines Medical Center (SPMC) ang usa ka drug pusher human fatal ang igo sa lawas dihang mibalos og pusil matud pa ngadto sa mga otoridad nga buot unta mudakop kaniya atol sa gilusad nga buy-bust operation.
Igo sa ulo ug walang bahin sa kamot ang mitapos sa kinabuhi sa drug pusher nga si Rageb Camis, 32 anyos, ug nagpuyo sa Talomo Muslim Village ning siyudad.
Tinguha unta sa Talomo PNP nga dakpong buhi si Camis apan dihang nakatimaho kini nga pulis ang gikatransak, kalit na lamang namusil ang suspek atol sa gikasa nga operasyon nga gihimo sa Bangkal ning dakbayan.
Abtik nakabalos ang mga sakop sa kapulisan sa pagpusil sa suspek hinungdan dead on arrival nga nahidangat sa SPMC ala-1:50 kaganinang kadlawon.
RadyoMaN Joel Viray
