Patay ang usa ka drug pusher human nisukol sa gihimong buy bust operation sa mga otoridad sa Alubijid, Misamis Oriental kaganihang buntag.
Naila ang suspek nga si Ben Ratirta, minyo ug residente sa maong lugar.
Nakaangkon kini sa tulo ka igo sa dughan nga maoy hinungdan sa iyang kamatayon.
Nasayran nga tulo ka bulan pa lamang nga nakagawas gikan sa Misamis Oriental Provincial Jail si Ratirta.
Kini ang unang drug pusher nga namatay human nisukol sa tuig 2019.
Matud ni Police Senior Superintendent Rolando Destura, Provincial Director sa Misamis Oriental Provincial Police Office nga dugay nang nagbaligya sa droga ang suspek ug daghang higayon na kining napalitan.
Nanawagan karon si Destura sa tanang nalambigit sa illegal drugs nga moundang na o ba kaha mohawa na lang sa Misamis Oriental kay siguradong dili sila undangan sa mga otoridad hangtud nga dili sila masikop.
