Drug pusher patay sa buy bust operation

Davao City- Lain na usab nga drug pusher nakabsan og kinabuhi human giingong misukol sa mga sakop sa San Pedro Police Station atol sa gikasa nga buy bust operation gilusad sa Purok 7, Kawayan, Barangay 8-A, ning syudad.

Giila ni San Pedro Police Station Chief of Police Major Marvin Hugos ang suspek nga mao si alyas Omar, hingkod ang pangidaron, nagpuyo sa maong dapit.

Nasayran nga namusil ug misukol ang suspek dihang nasimhotan niini nga pulis diay ang iyang gikatransak sa iligal nga droga.

Dali hinoon nga nakabalos og pusil ang mga awtoridad nga misangko na hinoon sa iyang hinanaling kamatayon.

Sa pagrekisa sa kapulisan sa lawas sa suspek, na-recover ang pinaugang marijuana nga mutimbang og 26 ka gramo mukantidad tanan og kapin P4,000 ug kapin 5 ka gramo sa gitohoang shabu nga dunay market value nga kapin P84,000 ug .38 revolver.

RadyoMaN Joel Viray

Facebook Comments