Davao City – Patay ang usa ka gidudahang drug pusher human nga misukol sa mga otoridad atol sa joint buy-bust operation sa Philippine Drug Enforcement Agency (PDEA-XI) ug Talomo Police Station.
Sa blotter sa Talomo PNP, napugos sa pagpusil ang mga otoridad sa suspek nga naila sa alyas Jamel human mibunot kini sa iyang armas sa dihang gilusad ang buy-bust operation sa San Rafael Road, Barangay Maa Davao City alas 4:30 sa hapon.
Gidala ang suspek sa Southern Philippines Medical Center (SPMC) apan gideklara ni Dr. Larazabal nga dead on arrival.
Nakompiskar sa mga otoridad ang 25 gramos nga shabu diin mikantidad ngadto sa 125-mil ka pesos, mac 10 machine pistol nga dunay bala sa 9mm ug ang genuine 1000 peso bill nga nagsilbing marked money.
RadyoMaN Erin Lumosbog
