Drug pusher sikop

Davao City – Nasikop sa kapolisan sa Sta. Ana PNP ang usa ka drug pusher human nakuhaan og shabu atol sa gilusad nga buy bust operation sa pagpanguna sa Sta Ana PNP ilawom sa koordinasyon sa Philippine Drug Enforcement Agency 11 alas 9:30 sa kagabhion sa R.Castillo St. Barangay R-Castillo siyudad sa Davao.

Sumala sa report ang suspek mao si Salahuden Mamayamban Didato alyas Sadik, 25 anyos, usa ka dayo ug kasamtangan residente sa Bonifacio St. Purok Talisay Barangay Magugpo Tagum city ug lumad nga taga-Purok 5 Barangay Pangutusan Nabunturan.

Matud pa sa dihang gikasa ang buy bust operation sa usa ka Police nga si PO2 Torreon nga nagpaka arong ingnon nga poseur buyer bitbit ang 1,000.00 pesos nga buy bust mark money bugti ang usa ka sachet nga gituohan shabu hinungdan sa pagkaaresto sa suspetsado.


Narekober sa kapolisan sa dinakpan ang duha ka small size rectangular shape heat sealed transparent plastic sachet nga gituohan shabu ug laing pang tulo ka big size rectangular shape heat sealed transparent sachet nga gibana banaang mokantidad og 200,000.00 pesos. Lakip nakuha kaniya ang usa ka cellphone, usa ka kaha sa sigarilyo ug usa ka motorsiklo nga gigamit sa suspek sa iligal nga transaksiyon.

Ang dinakpan balhug na sa Sta Ana Pnp ug gihikay na sa kapolisan ang kasong kalapasan sa R.A 9165 kun Comprehensive Dangerous Drugs Act of 2002.

RadyoMaN Don Pulayao

Facebook Comments