Davao City- Gikatakdang pasakahan og kaso ang nadakpang Drug Queen nga usa ka incumbent Barangay Chairwoman sa Barangay Kapimpilan ug nahimong ABC President sa Northern Kabuntalan Maguindanao human sa gikasang buy bust operation sa PDEA 11, Talomo PNP, ug 305th Air Intelligence and Security ning syudad.
Sumala ni PDEA XI spokesperson Nolie Nephi Dimaandal, ang mga nasikop mao sila Fatima Daud Baliwan alyas Timaw, 44 anyos, Norodin Baliwan, 28 anyos ug usa ka Noria Diyao pulos nagpuyo sa Block 1, Lot 1, Phase 1, Lanka Lane Woodridge Maa, Davao City niadtong petsa 3 sa bulan sa Sityembre.
Nakuha sa mga suspetsado ang buy bust money nga mukantidad og 120,000.00 pesos bugti sa tulo ka medium sachet nga gituohang shabu nga mutimbang sa 50 gramos nga mukantidad og 600,000.00 pesos.
Gawas niini nasakmit sab ang tulo ka medium sachet sa shabu,usa ka cellular phone ug lakip nakumpiska ang usa ka Toyota Grandia nga dunay plate number nga LGJ 155 diin maoy gigamit sa pagpayuhot sa iligal nga droga.
Gikanayun ni Dimaandal kining mga dinakpan nasikop sa PDEA ARMM sa Cotabato City niadtong bulan sa Pebrero petsa 9,2017 natigayon sa Jose Lim Sr. Street Cotabato City diin nasayran nga si Fatima ug si Baliwan usa ka drug group notorious nga naglihok sa ARMM.
Ang mga dinakpan banlug na sa detention cell sa PDEAXI ug mag atubang sa kasong kalapasan sa Republic Act 9165 kun Comprehensive Dangerous Drug Act 2002 ug Sec 28 sa Criminal Liability of Government officials and Employees.
Kasamang Don Pulayao
