ILOILO CITY – Luyag nga himuon nga modelo sang department of health (DOH) ang the crossroads sang syudad sang Iloilo.
Ini amo ang outpatient community rehab centers sa pito ka distrito para sa mga light to moderate nga drug surrenderees.
Suno kay Dr. Bernard Caspe, City Health Officer sang syudad, natalahna sila nga magapresent sa Manila apang wala ini nadayun.
Sa karon ginahulat na lamang nila ang masunod nga schedule sang ila presentation.
Sa karon may 408 na ka graduates ang the crossroads kag may ara sang 273 ka nagapaidalum sa rehab subong nga nalakip na sa 3rd batch.
May maximum nga anom ka bulan ang program kag ang makagraduate ginabuligan nga makakita sang trabaho ukon makaumpisa sang bag-o nga kabuhi paagi sa skills training nga libre kag start-up capital sa maluyag mag-umpisa sang gamay nga negosyo.
