Arestado sang kapulisan sang isa ka drug surrenderer sa banwa sang Calinog sa ginhiwat nga buy bust operation mga alas 3:30 kaina sang hapon (Marso 12).
Ginkilala ang subject nga si Jericho Martinez, 36 anyos, pumuluyo sang Barangay Cabagiao, Calinog, Iloilo, nga number 3 sa target list sang Calinog PNP.
Ginpahayag ni Police Chief Inspector Jonathan Pinuela sang Provincial Drug Enforcement Unit ukon PDEU nga natigayon nga mabaklan si Martinez sang 5 ka gagmay nga sachet sang suspected shabu nga tag-3mil pesos kada sachet ukon may kabug-usan nga bili nga 15 mil pesos.
Narecover man sa subject ang 2 pa ka sachet sang suspected shabu kag cellular phone.
Yara na karon sa custody sang kapulisan si Martinez kag magapangatubang sang kaso nga paglapas sa R.A. 9165.
