Malay, Aklan – Natigayon nga maaresto it mga kapulisan ro sangka drug surrenderee ag haba-habal driver kaina it aga-aga sa isla it Boracay matapos nga ginpaidaeom sa buy-bust operation.
Ro suspek nakilaea kay Giovanie Villanueva Toquero, alyas “Robin”,37-anyos, tubong it Sagay City, Negros Occidental ag presente nga naga istar sa Sitio Lugutan, Manocmanoc, Boracay, Malay, Aklan.
Gin aresto si Toquero matapos nga mabak-ean it sangka sachet it dahon kung marijuana ko sangka poseur buyer.
Sa ginpatigayon nga body search sa suspek nabuoe kana rong P600.00 nga boodle ag marked money kamana man ro 5 pa gid ka mga sachet it marijuana.
Nasayuran nga kaibahan man si Toquero sa mga suspek sa pila ka mga natabong panakawan sa isla.
Si Toquero hay igapa drug test anay sa syudad it Iloilo bilang standard operation procedure it mga kapulisan sa mga nadadakpan may kaangtanan sa illegal nga droga.
Magapangatubang it pagbayolar sa RA 9165 ukon Comprehensive Dangerous Drugs Act of 2002 rong suspek.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBjrFxmrg8cu4f0FZmIJWkWLwCYRxy2S_gtfQ4yj4kXQYVfaMbCyGFiOD6elWObLIcEnVP81Cj8rDT9iVdZv-zVxgqT3nQldQzU_OAuggMa7LfdyUbo…>
