Arestado ang isa ka drug surrenderee sa ginpatigayon nga buy-bust operation sang Philippine Drug Enforcement Agency ukon PDEA 12 sa Apitong St., Purok Ilang–Ilang, Brgy. New Isabela, Tacurong City, Sultan Kudarat pasado 8:30 kagab-i.
Ginkilala ang suspek kay Marvin Buendicho Betito, 32 –anyos, single, mekaniko, watchlisted kag residente sang Quezon Avenue, Brgy. Poblacion, Tacurong City, Sultan Kudarat.
Naaresto ang nasambit nga suspek sang magpasugot nga magbaligya sang isa ka heat–sealed transparent plastic sachet sang suspected Methamphetamine hydrochloride ukon shabu kambyo sang buy-bust marked money sa PDEA Agent nga nagpakilala nga poseur buyer.
Nakuha sa possession kag control sang suspek ang 1 ka sachet sang suspected shabu nga may kabug-aton nga more or less 0.5 gram kag nagakantidad sang P2,500.00 kag P500.00 marked money.
Kaso naman nga pagbayolar sa Section 5 sang Article II sang Republic Act 9165 ukon The Comprehensive Dangerous Drugs Act of 2002 ang ipasaka batok sa suspek nga sa subong nakadetine sa PDEA 12 Detention Facility.
