Drug surrenderee, gintiro-patay sa Calumpang, Molo

ILOILO City – Patay si Don Azucena, 39-anyos sang North Baluarte, Molo matapos ginluthang snag duha ka riding-in-tandem sa Bangga Inday, Zone 5 Calumpang, Molo, pasado alas 9:30 subong nga aga, Setyembre 7.

Ginluthang si Don sang duha ka riding-in-tandem samtang nagabantay sang jeep upod ang iya asawa agud magpadulong sa North Baluarte Molo.

Suno sa asawa, mabuot ang iya bana, wala na bisyo kag nagbag-o na.


Pahayag sini, naganegosyo sila sang legal, RTW, baligya sang pamahaw kon hapon kag indi sila involve sa illegal nga droga.

“Buot-buot gid na bana ko. Wala na siya bisyo, Sir. nag bag-o na na siya,” ang pahayag sang iya asawa.

Gin-aku sang amay ni Don nga si Danilo Azucena nga nagsurrender sa Oplan Tokhang sang kapulisan si Don kag halin sadto nagbag-o na ang iya kabuhi.



Facebook Comments