Dakop ang drug surrenderee sa banwa sang Ajuy, Iloilo matapos ginpaidalum sa buy bust operation sang kapulisan alas 7:50 sini lamang nga gab-i.
Ginkilala ang subject nga si Timoteo Biron, 41 anyos sang NHA Village, Barangay San Antonio, Ajuy, Iloilo.
Ginhiwat sang Ajuy PNP, Provincial Drug enforcement Unit 3 kag sang PDEA ang buy bust operation kon sa diin nabaklan sang poseur buyer ang suspek sang isa ka sachet sang suspected shabu sa balor nga 500 pesos.
Matapos maaresto, nakuha man sa posisyon ni Biron ang dugang nga pito ka sachet sang suspected shabu nga ginabanta nagabili sang 4 mil pesos, drug paraphernalia lakip na ang 20 pesos nga cash kag 11 pesos nga coins.
Sa karon, preso na sa Ajuy PNP ang subject kag magapangatubang sang kaso nga paglapas sa R.A. 9165.
