Davao City – Gawasnon na unta apan subling naaresto sa mga kapulisan tungod sa droga ang 37 anyos nga si Kristine Caboga Base o Tina taga- Purok 5, New Corella, Davao del Norte.
Sa may parking area sa Southern Philippines Medical Center (SPMC) gikasa sa Talomo PNP ang buybust operasyon alas-12:20 Martes sa udto.
Daling giposasan ang suspek atol sa pagtunol niini sa P6,000 kantidad sa shabu ngadto sa asset sa mga pulis.
Nakuha usab sa mga awtoridad sulod sa shoulder bag niini ang anaa sa P30,000.
Sa press statement gibutyag ni Police Regional Office XI Regional Director Police Brigadier General Marcelo Morales nga ang drug suspect naaresto kaniadtong Nobyembre 2013 sa kasong may paglapas sa Sec. 5 ug 11 sa RA 9165 apan pinaagi sa plea bargain ubos kang RTC XI Branch 30 Hon. Judge Seracin na-release kini.
“Despite our intense anti-drug operations, there are still hardened drug pushers who think they can get away with their pernicious habits. Ito yung mga taong ayaw tumigil sa kanilang mga ilegal na gawain. We will continue to keep on tracking all those involved in illegal drug activities and we will not stop until they are all arrested and put behind the bars of justice, ” segun ni Morales.
Kasong maylapas sa RA 9165 ang iduso batok kang Base.
RadyoMaN Aimee Guinita
