GENERAL SANTOS CITY- Miabot sa 46 ka mga drug suspects ang napatay atol sa mga ginapahigayon nga mga anti-illegal drugs operations sa kapulisan sa tibuok Rehiyon 12 sa milabay’ng tuig 2019.
Base sa datos sa PNP-Regional Office 12, pinakadaghan sa mga napatay ang gikan sa Sultan Kudarat province, human matod pa misukol sa mga otoridad.
Kini ang gikumpirma ni PRO-12 spokesperson Lt. Col. Lino Capellan, nga anaa sa P60-million nga kantidad sa ginadiling droga ang ilahang nakumpiska sa serye sa mga operasyon niadtong 2019.
Sa maong kampaniya, adunay 1,576 ka mga drug personalities ang ilahang naaresto, lakip dinhi ang 1,141 drug pushers ug 435 users.
Dungan niini, gipaniguro sa opisyal nga padayon pa ang kampaniya sa PNP sa pagpakgang sa operasyon sa ginadiling droga karong bagong tuig sa 2020.
For more info’s and updates, like and share our official facebook account : www.facebook.com/ifm91.9Gensanofficial/
[image: disgrasya.jpg]
