Malungon, Sarangani Province–Nasikop sa mga personahe sa Malungon PNP sa pagpanguna ni Police Lt. Col. Edgar Yago, Hepe sa Malungon MPS ang usa nila ka drug target suspek sa gipahigayong buy-bust operation sa Prk.1, Brgy.Upper Mainit, Malungon, Sarangani Province, alas 7:00 ang takna sa buntag.
Naila ang suspek nga si Roly Salarde nga anaa sa Drug List sa Malungon PNP, 28 anyos, mag-uuma, residente sa Sitio Bantalaan, Brgy.San Miguel sa nasampit nga munisipyo.
Atol sa operasyon nakuhaan ang suspek sa iyang posisyon ug usa ka 500 pesos nga marked money, ug lain pang usa ka pakete sa sigarilyo nga dunay sulod sa gikatahapang pinaugang dahon sa mariwana.
Sa kasamtangan nagtingkagol sa selda sa Malungon MPS ang dinakpan samtang kasong atubangon niini mao ang kalapasan sa sec.5 sa RA 9165 kon comprehensive of dangerous drugs act of 2002.
