Davao City – Walay nagpositibo sa paggamit og iligal nga droga gawas sa kapin 200 ka mga personahe sa Bureau of Fire Protection kun BFP XI nga gipailawum sa surpresang drug test niadtong adlawng Martes, Agosto 7, 2018.
Kini ang gibutyag ni BFP XI officer-in-charge of the Intelligence and Investigation Section Officer 2 (SFO2) Ramil Gillado atol sa interview sa DXDC RMN Davao.
Kahinumduman nga gi-drug test ang anaa sa 206 ka mga personahe sa regional office, district ug tanang Fire marshals sa mga munisipalidad ug syudad sa BFP-XI.
Subay niini, nagpasalamat ang BFP XI ngadto sa ilang mga ginsakpan nga walay nalambigit sa iligal nga droga.
Una ng giingon ni BFP XI Regional Director, SSUPT Fred Trajeras Jr. nga tumong sa maong drugtest mao ang malimpyu ang hanay sa kabomberohan gikan sa iligal nga droga ilabi na usab nga ang mga personahe maoy gisaligan sa pagresponde og adunay sunog.
Samtang lauman pa nga adunay laing hugna sa drug test nga himuon sa uban pang mga personahe sa BFP XI diin sa kasamtangan anaa sa kapin usa ka libo ang ilang mga personahe ug kapin 200 pa lang ang napailawum sa surpresang drug test.
RadyoMaN Renz Barbarona
