Davao City- Gipaniguro karon sa Department of Education (DEPED –XI) nga duna gayuy ipahigayon nga random drug test alang sa mga junior ug senior high school students ug mandatory drug tests alang sa mga empleyado sa maong departamento.
Gipamahayag ni DEPED spokeseperson Jenielito Atillo nga wala pay tukmang petsa sa drug tests gumikan kay gipaabot pa sa rehiyon ang specific guidelines gikan sa DEPED central office.
Gitataw ni Atillo nga ang mga estudyanteng mupailawom sa random drug test kinahanglang adunay pagtugot gikan sa ilang mga ginikanan.
Gipasibaw ni Atillo nga ang tumong sa ahensya kun nganong ipalawom ang mga tinun-an sa random drug test mao nga dili aron gukdon ang mga kabataan nga nalambigit sa droga apan aron salbaron ug tabangan sila pamaagi sa gilatag nga mga interventions sa DEPED.
Kasamang Aimee Guinita
