Davao City – Sayon lang kaayo ang drug test sa mga magpapili karong Mayo 14 nga Barangay ug SK elections tungod kay boluntaryo kini.
Sumala ni Department of Interior and Local Government (DILG-XI) Regional Director Alex Roldan, usa kini ka hagit sa mga kandidato ug sa mga tawo aron dili sila masayup sa pagpili sa ilang mga opisyal sa barangay nga walay kalambigitan sa druga.
Giklaro pa sa director sa DILG-XI, walay dautan kung dawaton sa mga kandidato ang maong hagit tungod kay magpamatuod kini nga walay gitaguan ang usa ka magpapili.
Gitataw pa usab ni Roldan, walay kalapasan sa katungod kung ipamugos ang drug test kanila tungod kay boluntaryo lamang kini, apan makatabang sa ilang kandidatura.
RadyoMaN Bernard Pantallon
Facebook Comments
