Davao City – Supak si Department of the Interior and Local Government (DILG) Regional Director Alex Roldan sa balaud nga ipailawom na sa eskwelahan pinaagi sa mandatory drug test sa mga nagtungha nga Grade 4 students rason nga anaa pa sa minor de edad.
Sumala ni Roldan nga uyon siya sa maong balaud kadto lamang mga senior high school ug high school ang ipa-drugtest ug dili sa mga bata nga nagtungha sa elementary school.
Matud ni Roldan kun ipatuman ang maong balaud posible nga makahatag og dili maayong ideya ngadto sa mga kabataan nga mukalit lang sila pagka-hamtong diin malimtan nila ang ilang pagkabata ug makahunahuna hinuon kini nga pwede sila masuspetsahan sa iligal nga hinimuan.
Gisugyot ni Roldan nga pabor siya sa maong balaud apan kadto lamang mga kabatan-onan nga nalambigit sa druga ang dapat ipa-drugtest ug dili sa mga kabataan nga tarung nga minor de edad ug wala nag-apil apil sa iligal nga binuhatan.
RadyoMaN Don Pulayao
