Roxas City, Capiz – Panibag-o nga 30 ka mga barangay halin sa probinsya sang Capiz ang gindeklarar nga “drug-cleared” kadungan sang ginpatigayon nga 13th Deliberation and
Validation Activity sang Regional Oversight Committee (ROC) sa idalom sang Barangay Drug Clearing Program.
Kadungan sang amo nga mga barangay ang kabug-osan nga 253 ka mga barangay halin sa mga probinsya sang Aklan, Antique, Capiz, Guimaras, Iloilo kag Negros Occidental.
Ang mga ini ang gindeklarar nga “drug-cleared” ukon “unaffected” sang makahahalit nga druga matapos nga madinalag-on nga na-comply ang tanan nga mga requirements kag parameters nga gin-set sa idalom sang DDB Regulation No. 3, Series of 2017 on Strengthening the Implementation of BDCP.
Ang amu nga aktibidad nga ginpatigayon sa Iloilo City Diamond Jubilee Hall ang gin-atenderan sang mga alkalde kag representante halin sa mga nagkatuhay nga mga munisipyo kag syudad sa namensyonar nga mga probinsya.
Base sa rekord, kabug-osan nga 283 ka mga barangay ang gindeklarar nga drug-cleared kun sa diin 35 diri ang halin sa probinsya sang Aklan, 94 ang halin sa Antique, 30 ang halin sa Capiz, 7 ang halin sa Guimaras, 109 ang halin sa probinsya sang Iloilo kag 8 naman ka mga barangay ang halin sa Negros Occidental.
Nahibaloan nga ang Regional Oversight Committee ang ginalakipan sang PDEA, PNP, DILG, DOH upod na ang mga Local Chief Executives halin sa mga kabarangayan.
© PDEA 6
