DRUG WAR | Balor 150K pesos sang shabu, mga armasluthang kag mga bala, narekober sa drug bust operation sa bunkhouse sa Brgy. Inzo Arnaldo Village Roxas City!

380

Roxas City, Capiz- Lima ka persona ang natigayon nga madakpan sa ginkasa nga drug bust operation nga ginkasa sang Regional Drug Enforcement Unit sang PRO-6 alas 10:30 kagab-e sa daan nga bunkhouse sa lote nga ginapanag-iyahan sang isa ka dako nga mall nga nahamtang sa Gaisano Arcade sa Brgy. Inzo Arnaldo Village, Roxas City.

Dakop sang amu nga operasyon ang target person nga si Tommy Isiderio y Murgia, 34-anyos sang Brgy. Tanque nga isa ka driver subong man ang gina-alegar live-in-partner sini nga si Joyce Daniel y Flor, 28-anyos ang pang-edaron.

Arestado man sanday Rodelio dela Cruz y Begaso, 38-anyos sang Brgy. Lawaan; Jesus Carlos Andrada, 29-anyos ang pang-edaron sang Brgy. Inzo kag Jaive Duno y Dorado, 33-anyos sang Brgy. Tiza samtang nakatigayon naman nga makapalagyo ang kaupdanan sang mga ini nga ginkilala kay “Dondon Miranda” makaligad nga mamutikan ang presensya sang kapulisan.

Narekober sang mga otoridad ang kabug-osan nga 13 tanan ka sachet sang suspected shabu, wallet nga may cash nga P2090 pesos; 12-gauge homemade shotgun kag walo ka mga bala; isa ka .357 Smith and Wesson magnum revolver kag walo ka mga bala; cellphone; motorsiklo kag iban pa nga mga drug paraphernalias kag ang boodle money nga balor P33,500.00 pesos.
Sa interview sang DYVR RMN Roxas sa team leader nga si Police Senior Inspector Kenneth Bermejo, antes na-materialized ang operasyon nagpatigayon anay ang mga ini sang test buy sa subject person nga si Tommy Isiderio.
Base sa ila nga surveillance, madugay na ini nga nagaduso sang ilegal nga druga kag halin pa sa syudad sang Iloilo kag Metro Manila ang mga supplier sini base man sa mga contacts kag resibo nga ila narekober.
Suno pa kay Police Senior Inspector Kenneth Bermejo, naaktuhan pa sang mga ini nga nagapatigayon sang pot session kag repacking sang mga items ang mga suspek.
Ginabanta nga nagalab-ot sa P150, 000 pesos ang street value sang nasambitan nga mga narekober nga druga kun ini na ang mabaligya.

Ginpahayag dugang ni Bermejo nga sanday Isiderio kag Daniel amu ang nagaserbe nga tagdumala sa amu nga drug den.
Natalana nga pasakaan ang mga ini sang kaso nga paglapas sa R.A 9165 ukon Comprehensive Dangerous Drugs Act of 2002 kag pagbayolar sa R.A 10591 ukon paghupot sang armasluthang kag mga bala.
(in photo)- bunkhouse kun sa diin nadakpan ang mga subject person

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments