Roxas City, Capiz- Dakop ang lima ka mga persona sa ginkasa nga anti-drug operation sang mga katapo sang Philippine Drug Enforcement Agency(PDEA) sa isa ka boarding house nga nahamtang sa Barangay Inzo Arnaldo, siyudad sang Roxas.
Ginkilala ang mga nagkaladakpan kanday Julius Cabanus sang Inzo Arnaldo; Winces John Diaz; 18-anyos sang Arnaldo Boulevard; Joselito Boliver sang Barangay Tiza, Roxas City; Clemente Andrade III kag Joshua James Bacud.
Natigayon nga marekober sa mga ini ang kabug-osan nga 15 ka sachet sang ginasuspetsahan shabu, isa ka libo ka pesos nga buy bust money mga nagkatuhay nga mga drug paraphernalias kalakip ang lighter, aluminum foil, cellphone kag P500 nga cash.
Ang nasambitan nga mga persona ang gindala pa sa syudad sang Iloilo agud nga ipaidalom sa drug test kag i-examine ang mga narekober nga items.
Magapangatubang ang mga ini sang kasu nga paglapas sa RA 9165 ukon Comprehensive Dangerous Drugs Act of 2002.
