Roxas City, Capiz- Arestado ang isa ka 33-anyos nga babaye sa ginkasa nga buy bust operation sang mga kapulisan sang Roxas City PNP sa may bahin sang San Isidro Brgy. Cagay sining syudad.
Ginkilala ang subject person kay Jenny Castro y Arroyo kun sa diin nakuha sa iya posesyon ang kabug-osan nga lima ka plastic sachet nga may unod sang gina-suspetsahan shabu, cellphone, 500 pesos nga buy bust money, pouch kag cash nga isa ka gatos ka pesos.
Sa interview kay Supt. Dante Tayco, ang pangalan sang suspek kag live-in-partner sini ang nagaguha base sa ila intelligence monitoring nga isa sa mga nagatulak sang ilegal nga druga sa ila barangay.
Samtang suno naman kay Punong Barangay Moreno Gonzaga, si Jenny Castro ang nalakip sa listahan sang BDAC apang wala ini nagakooperar sa mga aktibidades para sa mga drug surrenderer.
Ginapahayag nga halin ang supply sini sa area sang Punta Tabuc.
Ang nasambitan nga operasyon ang ginkasa sang Station Drug Enforcement Team(SDET) sang Roxas City PNP.
