Davao City – Dili makapaluya ug makaapekto sa kapulisan sa ilang kampanya batok sa gidiling droga ang pagbasura sa drug trafficking case sa mga arestadong drug lords nga sila si Kerwin Espinosa, Peter Lim ug Peter Go. Sumala ni Davao City Police Office (DCPO) director Police Senior Supt. Alexander Tagum, usa kini ka dakung hagit kanila aron pakusgan pa ang ilang kampanya aron malikayan ang susamang panghitabo. Wala na mihatag si Tagum sa iyang komento kabahin sa giingong binuang o ‘under the table deal’ sa gidangatan sa ilang kaso apan nanganti ang hepe sa DCPO nga dili lang moanhi sa Davao si Espinosa. Samtang giklaro usab ni Tagum nga dili mosangpot sa kapildihan sa gobyerno ang kampanya batok sa droga tungod kay mas ila pang pakusgan ug ipadayon ang nasangpit nga kampanya. RadyoMaN Bernard Pantallon tags: dxdc 621 davao
