Davao City – Ang sunod-sunod nga mga operasyon nga miresulta sa pagkasikop sa mga nalamabigit sa gidiling droga timaan lamang sa gipatumang hugot nga kampanya.
Subay sa pahayag ni Pres. Rodrigo Duterte nga pahugtan pa ang drug war sa ulahing mga katuigan sa iyang termino, gibutyag ni Noli Dimaandal, Philippine Drug Enforcement Agency (PDEA-XI) Information Officer, pakusgon usab nila karon ang Barangay Anti Drug Abuse Council (BADAC) operations tungod kay sila mismo ang nasayud sa ilang mga barangay kung kinsa ang mga nagdula sa droga.
Samtang gipasabot usab ni Dimaandal nga hulga gayud sa seguridad ang droga tungod kay dakung perdisyon ang ihatag niini ilabi na sa kabatan-onan rason nga kinahanglang magdeklara og national emergency ang pamuno-nasud.
RadyoMaN Bernard Pantallon
