Davao City- Gikonsidara ni International Lawyer Elly Pamatong nga historical failure ang kampanya kontra droga ni Presidente Rodrigo Duterte.
Sigun ni Pamatong, mahimo nang kabahin sa kasaysayan sa Pilipinas ang kapakyasan sa giyera sa droga ni Pangulong Duterte gumikan sa sayop nga mga istratihiya nga gigamit sa gobyerno.
Ang kamatay sa mga nalambigit sa iligal nga droga lig-on nga basehan aron kuno tawgon nga historical failure ang kampanya kontra sa droga sa administrasyong Duterte.
Nakasaway si Pamatong sa binataot nga pangatarugan ni PNP Director General Ronald “Bato” Dela Rosa labot sa mga kabos nga namatay sa gubat sa droga ni PRRD.
Sigun niini, dili tubag ang pagpatay sa mga nalambigit sa droga inay ang paghaw-as gikan sa kawad-on maoy tinuod nga tubag sa hingpit nga pagtuldok sa suliran sa droga sa nasud.
Dili kumbinsido si International Lawyer Elly Pamatong sa survey result sa Social Weather Station kung asa 64% sa mga Pinoy buot dakpon nga buhi ang mga involved sa droga inay nga patyon sa matag operasyon sa kapulisan.
Samtang pikas bahin, gikagul-an ni Multi-Sectoral Organization Focal Person Jess Pagaran nga basin gamiton sa pag-panimalos sa mga barangay ospisyal ang drug drop box nga plano ipatuman sa PNP batok sa ilang mga kontra.
Alang ni Pagaran, wala siyay nakitang sayop sa pagpakatag og drug drop box sa kabarangayan sa tibook nasud basta ang tanan nga impormasyon ipailawom sa balidasyon ug double check aron walay inosente mapagan sa drug war.
RadyoMan Joel Viray
