Davao City – Usa sa gihimo karon nga aksyon sa pagpanguna sa Philippine Drug Enforcement Agency (PDEA-XI) aron pakigbatukan ang gidiling droga mao ang ‘Oplan Kalasag’ tungod sa padayon gihapong pagkuyanap niini taliwala sa gibulgar sa PDEA Director General nga adunay mga taga-gobyerno usa na niini mga ranking policed officers, mga pulitiko, negosyante ug uban pa nga nahimong dakung babag sa Duterte war on drugs.
Sumala ni PDEA-XI Regional Director Antonio Rivera, tumong niini mao ang pagpatuman sa gitawag nga ‘Drug Free Work Place Program’ sa gobyerno ug mga pribadong kompanya.
Panawagan sa anti-narcotics agency ngadto sa mga tag-iya’g establisimyento nga ila kining hugot ipatuman ilabi na kontra nga inns, hotels, resorts ug high-end subdivisions ug condominium units nga dili himoong drug dens ang ilang mga lugar.
Tungod niini, girekomenda usab sa PDEA-XI nga magpanday ug balaud or ordinansa ang lokal nga panggamhanan nga dili na i-renew ang mga business permits sa higayong napakyas sa pagpatuman sa programang ‘Drug Free Work Place’ o ‘Oplan Kalasag.’
RadyoMaN Bernard Pantallon
