DRUG WAR | Shabu kag marijuana, narekober sa duha ka mga persona nga subject sa buy bust operation sa Roxas City!

125

Roxas City, Capiz- Duha ka mga persona ang nadakpan sa separado nga drug buy bust operation nga ginkasa sang mga kapulisan sa Roxas City.
Narekober sa subject person nga ginkilala kay Christian Tullo y Mendoza sang San Roque St., Barangay Inzo Arnaldo Village, Roxas City ang kabug-osan nga apat ka sachet nga may yara sang unod nga liso kag dahon sang marijuana, P1,000 nga marked money, cellphone kag isa ka pouch.
Ang nasambitan nga 22-anyos nga subject person ang nadakpan matapos nga nakig-transaksyon sa mga kapulisan sa may bahin sang Datiles Street Brgy. Tiza sining syudad. Samtang natigayon man nga matikma sang mga kapulisan ang 47-anyos nga tricycle driver nga nakilala kay Fernando Florentino y Clarite sang Brgy. San Jose, Roxas City.
Narekober sa iya nga paghinakop ang kabilogan nga pito tanan ka sachet sang suspected shabu, 500 pesos nga buy bust money, cellphone kag ang traysikol nga ginagamit sini sa pagbyahe.
Yara na sa kostudiya sang mga kapulisan ang nasambitan nga mga persona kag natalana nga pasakaan sang kaso nga paglapas sa R.A 9165 ukon Comprehensive Dangerous Drugs Act of 2002.

Facebook Comments