Roxas City, Capiz- Dakop sang mga kapulisan sang Roxas City PNP ang tatlo ka mga persona sa duha ka hugnat sang ginkasa nga buy bust operation sa may bahin sang Barangay Tiza sining syudad.
Una nga nadakpan alas 7:40 sang gab-e sanday Maichael Funa, 36-anyos sang Brgy. Inzo kag Geron Deocampo, 33-anyos sang Brgy. Lawaan kun sa diin nakuha sa mga ini ang kabug-osan nga apat tanan ka sachet sang suspected shabu kag isa ka libo ka pesos nga buy bust money.
Samtang sa follow up operation, natigayon man nga madakpan ang Mariam Pancuga sang Datu Ismael Dasmariñas, Cavite kag subong nagapuyo na diri sa Brgy. Punta Tabuc Roxas City.
Narekober pa diri ang anum tanan ka sachet sang suspected shabu, P1, 000 pesos nga buy bust money, cellphone kag isa ka brown envelope, pouch kag 500 pesos nga cash.
Si Pancuga amo ang ginapahayag ginakuhaan sang supply nanday Maichael Funa kag Geron Deocampo.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nasambitan nga mga persona.
