BACOLOD CITY – Arestado sang Police Station 3 ang isa ka babaye nga ginbansagan Newly Identified Street Level Target sa Purok Paraiso, Sitio Sibucao, Barangay Banago las 12:40 kaina sang kaagahon (Pebrero 11) paagi sa buy bust operation.
Nakilala ang suspek kay Hazel Poja Gomez, 31 anyos, dalaga sang amu man nga lugar.
Nakuha sa iya ang isa ka sachet sang shabu kag marked money nga P500 pesos.
Magluwas sa dalaga, dakop man si Stephen Diamante Villarosa, 27 anyos, soltero sang Purok Sambag, Barangay Mandalagan sa diin narecover sa iya ang isa ka sachet sang shabu, plastic box nga may mga suludlan sang shabu, lighter kag plastic straw.
Dakop man si Gino Tarog Mendoza, 31 anyos, sang Zone 14A, Talisay City sa diin nakuha sa iya ang tooter.
Suno kay PSInsp. Jun Ray Batadlan nga naglab-ot sa P10,000 pesos nga balor sang shabu ang ila nga narecover.
Ang tatlo ang ara sa custodial facility sang Police Station 3.
