![FB_IMG_1568028015251.jpg](https://i0.wp.com/rmn.ph/wp-content/uploads/2019/09/FB_IMG_1568028015251.jpg?resize=696%2C522&ssl=1)
TACLOBAN CITY – Gintikangan na han Tacloban City Government an dry-run para han two-proposed traffic shemes ha old Road Sagkahan ngan Real street para maibanan an kabug-at han trapiko kun rush hours, sumala han TOMECO.
Sumala kan Officer-in-Charge han TOMECO nga hi Engr. Dionisio De Paz, nagtikang na an dry run dida pa han Sabado, September 7 para makit-an an kadamo han mga behikulo nga naagi ha mga areas.
“Mayda kasi duha nga option, an usa an odd-even number nga mayda la adlaw nga pwede makaagi ha Old Road Sagkahan, ngan mayda la liwat adlaw na pwede umagi ha Real. An usa liwat nga scheme an pagdetermine an ira ruta. So ine it babasehan kun ano nga scheme it aton bubuhaton,” – De Paz
Ha nagpapadayon nga dry-run, nag apela hiya nga intindihon ngan nangaro hiya hin pasaylo ha mga naapektuhan.
“Ha mga waray makasabot ine nga kasugaran, maaro la kami hin pasensya. An aton man la gud panuyuan in masulbar an incoming ngan outgoing nga sobra kadamo hin volume na mga sarakyan,”
Ig-aanunsyo han TOMECO ha miyerkules, September 11 kun ano nga traffic schemes an ig-iimplementar para masolusyunan an kabug-at han trapiko.
(Photo from Web)