Roxas City, Capiz – Maga-umpisa na sa Lunes nga adlaw, Pebrero 12, 2018 ang dry run nga patigayunon sang Traffic Management Unit sang Roxas City Government. katuyuan sang nasambit nga dry run nga ibalik sa 2-way ang Roxas Avenue, ini ang ginpahayag ni Traffic Consultant Mr. Vic Arcenas. Ginpahayag ni Arcenas nga mismo si Mayor Alan Celino ang nagmandu sang nasambit nga tikang.
Suno pa kay Arcenas, ang mga salakyan nga nagikan sa mga kabanwahanan nga naga-agi sa Crossing Lanot, padulong sa Lawaan kag palapus sa City proper ang sarang na nga makasulod sa Roxas avenue.Samtang magapabilin sa gihapon nga 0ne-way ang Fuentes drive. Magalawig ang dry run sa sulod sang tatlo ka semana kun sa diin pagatun-an sang syudad kun epektibo ini.
Sa madumduman nga ginpatuman city government ang one-way traffic scheme sa pila ka mga mayor nga dalanon sang syudad kasubong man ginggamit ang mga dalan nga sadto talagsa lang gina-agyan sang mga motorista nga amo ang nangin rasun nga naghagan-hagan ang pagpugok sang trapiko sa sentro sang syudad.
*(Photo from Radyoman Jessie Llegue Mendoza)*
