CAUAYAN CITY – AGAD NA NAGHATID NG TULONG ANG DEPARTMENT OF SOCIAL WELFARE AND DEVELOPMENT (DSWD) FIELD OFFICE 02 SA ANIM NA PAMILYANG NAAPEKTUHAN NG BAGYONG CRISING SA BAYAN NG GONZAGA, CAGAYAN.
AYON SA ULAT NG AHENSYA, ANIM NA KABAHAYAN ANG NAPINSALA SA NASABING BAYAN KUNG SAAN ISA ANG TULUYANG NAWASAK HABANG LIMA NAMAN ANG BAHAGYANG NASIRA.
KARAMIHAN SA MGA NAAPEKTUHANG BAHAY AY MATATAGPUAN SA BARANGAY BAUA, HABANG ISA NAMANG PARTIALLY DAMAGED HOUSE ANG NAIULAT SA BARANGAY IPIL.
BILANG TUGON, NAGPAABOT ANG DSWD FO2 NG FAMILY FOOD PACKS, SLEEPING KITS, AT FAMILY KITS UPANG MATUGUNAN ANG AGARANG PANGANGAILANGAN NG MGA APEKTADONG PAMILYA.
SA ULAT NG MUNICIPAL SOCIAL WELFARE AND DEVELOPMENT OFFICE (MSWDO) NG GONZAGA, ANG MGA NASIRANG KABAHAYAN AY MALAPIT SA ILOG DAHIL SA WALANG TIGIL NA PAG-ULAN AT BIGLAANG PAGTAAS NG TUBIG.
ISANG PAMILYA ANG KASALUKUYANG NANUNULUYAN SA EVACUATION CENTER MATAPOS TULUYANG MASIRA ANG KANILANG TAHANAN.
PATULOY NAMAN ANG KOORDINASYON NG DSWD FO2 SA LOKAL NA PAMAHALAAN UPANG MATIYAK ANG PATULOY NA PAGBIBIGAY NG TULONG AT SUPORTA SA MGA PAMILYANG NASALANTA NG BAGYO.
