Davao City – Way rason nga undangon ang Conditional Cash Transfer o mas nailang 4Ps tungod kay daghan na ang natabangan sa maong programa ilabi na denhe sa Region XI diha sa pagpaeskwela sa mga kabataan.
Sumala ni Floramae Espada, Department of Social Welfare and Development (DSWD-XI) Information Officer, sa pagkakaron ilang giseguro nga wala nay mga tawo nga adunay koneksyon sa gobyerno o mga pulitiko human sa gihimong survey niadtong tuig 2009 sa mga kwalipikado niini.
Matud ni Espada, gipangtanggal sa listahan ang dili mga kwalipikado sa maong programa.
Tungod niini, nanawagan ang DSWD sa mga benepisyaryo sa 4Ps nga dili i-prenda ang ilang ATM cards isip collateral sa ilang mga utang tungod kay ang tumong niini alang man sa gasto sa pagpatungha sa mga kabataan.
Gipasabot ni Espada nga kun si kinsa man kadtong mapamatud-an nga naghimo niini tanggalon isip benepisyaryo.
RadyoMaN Bernard Pantallon
