TACLOBAN CITY – Padayon la gihapon nga ginhihinulat yana han mga benepisyaryo han Modified Conditional Cash Transfer (MCCT) ha ilarom han Pantawid Pamilyang Pilipino Program (4PS) an ira cash grant.
Sumala han report, mawalo na kabulan an mga MCCT Beneficiaries nga waray pa makakakarawat han ira cash grant.
Ha interview han RMN kan DSWD Regional Director Restituto Macuto, waray pa kapirmahi an kontra ha butnga han DSWD ngan Philippine Veterans Bank para madownload an pondo ngadto ha mga tagsa-tagsa nga account han mga benepisyaryo.
“Inaayos pa po ang kontrata natin sa Veterans Bank, may schedule meeting sila today so malalaman natin ang final agreement kung kailan mapipirmahan ang kontrata.”
Pero pagklaro ni Director Macuto, an MCCT ngan 4PS beneficiaries la an nakakaeksperyensya hini nga kadelay pero ha mga benepisyaryo ha ilarom in waray daw problema.
Ginhimo naman daw ngatanan han DSWD Region 8 an ngatanan nga mga resikitos pero diri aanhi ha rehiyon an may problema kundi aadto ha DSWD Central Office ha Manila ngan Philippine Veterans Bank.
Magpapasabot dayon hi Director Macuto ha RMN Tacloban kun nagkasabutay na Veterans Bank ngan DSWD para madownload na an pondo ha mga benepisyaryo.
