Naglab-ot sa kapin 915 mil pesos nga balor sang bulig ang napadala sang DSWD region 6 para sa mga apektado sang inaway sa Marawi City sa tunga sang Militar kag mga terorista nga Maute group.
Ginalakipan ang mga donasyon sang mga pagkaon, panapton, beddings, hygiene kits, mga bulong kag iban pa.
Ini nga mga donasyon ginpalab-ot sang nagkalain-lain nga ahensya sang gobyerno, mga pribado ngatawo kag mga grupo sa rehiyon.
Ginpadala ang nasambit nga mga donasyon sa tatlo ka batches kon sa diin ang una nga batch ginpadala sang Hunyo 24, samtang ang ikaduha nga batch ginpadala sang Agosto 12 kag ang ikatlo nga batch ginpadala sang nagligad nga bulan.
Nagalaum ang DSWD 6 nga madamo pa nga may bulawanon nga tagipusoon ang magahatag man sang bulig para sa mga biktima sang krisis sa Marawi City .
