Davao City – Giklaro karon sa Department of Social Welfare and Development (DSWD-XI) nga walay gipaboran ug walay mga rekomendasyon gikan sa mga pulitiko ang pagpili sa mga benepisyaryo sa Conditional Cash Transfer (CCT) program o Pantawid Pamilyang Pilipino Program (4Ps).
Sumala ni Merlinda Paragamac, DSWD-XI Promotive Services Division Chief, ang pag-ila sa mga benepisyaryo gipahigayon pinaagi sa house-to-house assessment ug walay pabor-pabor nga sistema gamit ang gitawag nga ‘proxy variables’ ug dili ang income kun kinitaan as basis for inclusion sa programa.
Gitataw pa ni Paragamac nga kung aduna may adunahan nga naapil, adunay ginahimong validation process aron tanggalon ang mga dili ha-om sa naasoyng anti-poverty alleviation program sa estado.
RadyoMaN Bernard Pantallon
