Davao City – Angay sumala pang mu-agi sa proseso ang paggamit sa mga bata diha sa pagpahigayon og unsa mang klase sa mga rally o lihok protesta.
Sa interbyu sa DXDC RMN Davao kang Carla Canarias, LED secretariat sa Inter-Agency Council sa Department of Social Welfare and Development (DSWD)-XI, gisaysay niini nga bisan pa man og adunay ginatawag nga katungod sa kabataan sa pagpartisipar apan angay nga adunay kabuot ang mga bata, pagtugot sa ginikanan ingon man proteksyon sa posibleng risgo panahon sa aktibidad.
“Kung muingon sila’g children’s participation. So informed ba ang mga bata nganong naa sila diha sa rally? Para asa? Unsay Purpose? Unsay kahimtang? Informed ba ang mga parents? Naa bay consent?” tataw ni Caranias.
Saysay ni Caranias nga dili na kinahanglang idamay pa ang mga bata aron lamang makapadangat ang nahisgutan sa ilang mga mulo nga buot ipadayag.
“Supposed to be dili man ka kinahanglan naay bitbit nga bata para maka istorya ka sa imong gusto ipasibaw,” dugang niini.
Dugang sa opisyal nga abri ang DSWD ingon man ang City Social Services and Development Office (CSSDO) alang sa mga organizer/s sa usa ka rally aron ma-asses ang kahimtang sa mga kabataan.
RadyoMaN Kirby Manzon
