Davao City – Anaa sa 20 ngadto sa 24 ka mga pamilya ang gilaumang pasidunggan atol sa Culmination sa 27th National Family Week karong tuiga dinhi sa syudad sa Davao karong September 27, 2019, adlawng Biyernes.
Sa interbyu sa DXDC RMN Davao kang Nelriza Burgos, social worker sa community-based services unit ug family focal sa Department of Social Welfare and Development (DSWD)-XI, gibutyag niini nga ang maong mga pamilya, mga benepisyaryo sa mga programa sa DSWD nga mi-agi usab sa pagpili sa mga nagdumala sa programa ug sa ilang Local Government Units (LGUs).
“Sa 27 nga among gi-invite, naa tay 20 from Pantawid. Naa pud tay two families from KALAHI-CIDS ug naa pud tay two families from SLP (Sustainable Livelihood Program) nato, ang big tickets sa atoang DSWD,” saysay ni Burgos.
Dugang ni Burgos nga gawas sa pagpasidungog ug paghatag og pahalipay sa gikonsiderang mga “huwarang pamilya”, aduna usay ipaambit nga mga pagtulun-an sa nahisgutan sama sa mental health in relation to parenting ug family on the environment.
“During sa atoang family week celebration naa tay topic nga i-share sa atong mga beneficiaries. Katong mental health in relation to parenting (maginhawa, matatag at panatag na pamilya) at second po na topic is family on the environment na ihatag po sa atong partner from DENR,” butyag ni Burgos.
RadyoMaN Kirby Manzon
