Sa interbyu sa DXDC RMN Davao kang Russel Saranillo, DSWD-XI Social Pension Program Administrative Assistant II, gibutyag niini nga wala sila naga-text sa mga benepisyaryo paunsa ug kanus-a i-claim ang ilang pension.
Kini human nga adunay mga text message nga nagahatag og direktiba paunsa ma-claim ang ayuda o relief allowance sa mga senior, lakip na sa retired business owners.
“According to the DSWD, the text said “Good Maam/Sir, Your UNCLAIMED relief allowance, for senior citizens/retired business owners. Email ADMIN on how to claim it, along with an email address,” unod sa mikatag nga fake text message.
Gitino ni Saranillo nga mamahimong makig-alayon ang mga benepisyaryo sa ilang Local Government Unit (LGU) o kaha sa City Social and Development Office (CSDO) paunsa ma-claim ang ilang cash aid.
“Dili ‘mi naga-text. Pwede sila mag-ask through LGU, sa ilang Barangay or sa CSDO. Pero naga-inform ‘mi, (sa) payout na. Nagahatag, naga-disseminate ‘mi sa LGU og mga schedule for payout,” tataw ni Saranillo.
Mamahimo usab nga ma-contact ang DSWD-XI sa ilang numero, 227-1964, local 1143 o sa ilang email, socialpension.fo11@dswd.gov.ph.
RadyoMaN Kirby Manzon
