Davao City – Gialerto sa Department of Social Welfare and Development (DSWD)-XI ang publiko batok sa mga impormasyon nga mikatag online kalabot sa giingong madawat nga food stamp kantidad P5,000 alang niadtong dili miyembro sa Pantawid Pamilyang Pilipino Program (4Ps) ug Unconditional Cash Transfer (UCT).
Giklaro sa DSWD nga ang ilang Food Stamp Program wala nagahatag og kwarta, inay makadawat og P3,000 food credits ang mga benepisyaryo diretso sa ilang mga Electronic Benefit Transfer Card.
Nasayrang dili lang kini ang unang higayon nga gigamit ang pangalan sa DSWD sa fake news. Kahinumduman nga niadtong April 2022, sa dihang mikatag usab sa social media ang pagpangilad nga maghatag matud pa og ayuda ang DSWD ayha ang May 9, 2022 National Elections.
Giawhag sa DSWD nga gilayong i-report ang mga makita nga fake news o kadudahang impormasyon sa social media pinaagi sa pagdala niini sa email nga dms@dswd.gov.ph.
RadyoMaN Kirby Manzon
Facebook Comments
