Sa interbyu sa RMN Davao kang Merlinda Paragamac, DSWD XI Asst Regional Director gikan Agosto 20- Setyembre 17, 2022 anaa sa 35,933 mga kwalipikadong benepisyaro ang nakadawat sa AICS Educational Assistance.
Samtang, nagpadayon ang assessment sa Department of Social Welfare and Development XI sa mga aplikante alang sa last payout sa AICS Educational Assistance.
Gibutyag ni Paragamac, anaa sa 150K ka mga rekwisitos sa mga aplikante ang gina-validate karong semanaha.
Segun ni Paragamac, karong Sabado na ipahigayon ang last payout dinhi sa syudad.
Gibutyag niini nga gisuspende na sukad niadtong katapusan sa Agosto ang pagdawat og aplikante sa nasangpit nga programa tungod adunay limitasyon sa available budget.
“Kini nga programa, i-reiterate ra nako in crisis dapat nga mga student, dili tanan, dili pasabot tanang mga estudyante public man o private atong mahatagan. In crisis situation ang atong matagaan so mao na naa gyud miy oras o time nga gigahin niini para mag-assess kung kwalipikado ba o dili,” sumala ni Paragamac.
RadyoMaN Aimee Guinita
