DSWD-XI padayong gipalambo ang edukasyon sa lagyong Barangay sa Talaingod

Davao City – Padayon nga naghatod og tabang ang Department of Social Welfare and Development Office XI ngadto sa paghatag og edukasyon sa kabataang lumad sa mga lagyong sitio sa Talaingod, Davao del Norte.

Matud ni Rodel Fernandez, School Head sa Natulinan Elementary School, nga ang DSWD XI nagpalig-on sa programang Baloy Im’Imanan Project alang sa Last Mile School aron mahatagan og dugang edukasyon ang kabataan.

Matud pa nga ang programa mao ang inisyatibo sa 4Ps Program aron mabalik ang access sa edukasyon sa kabataang lumad sa nagkadaiyang sitio, pinaagi sa pagmugna og temporaryong learning spaces ug pagsuporta sa pamilya subay sa Cash-for-Work Program nga nakatabang sa pagpausbaw sa school attendance ug seguridad.

Matud pa nga sa pagpaningkamot, adunay mga classroom ang namugna sa Sambulungan, Dulyan, Pongpong, Dalingding, Lambid, ug Peroy Extension sa nagkadaiyang sitio sa Talaingod, Davao del Norte, diin naghatag og dakong kalamboan sa edukasyon sa kabataang lumad nga kanhi mga estudyante sa Salugpungan School.

RadyoMaN Bien Abanos