Davao City – Wala pay eksaktong petsa sa pay out sa Social Amelioration Program kun SAP 2nd tranche alang sa mga Non-Pantawid beneficiaries dinhi sa Davao City.
Kini ang pagpaklaro ug tubag ni Department of Social Welfare and Development kun DSWD XI Information Officer Kristelle May Cagatin atol sa interview sa programang Serbisyong Straight to the Point subay usab sa mga pangutanang gipadangat sa listeners ug netizens sa textline ug DXDC 621 RMN Davao FB page og kanus-a madawat ang nahisgutang ayuda.
“Kaning atong Non-Pantawid beneficiaries, wala pay definite date kung kanus-a but ang atong permanente ginaingon soonest, the soonest possible time. It can be tomorrow, it can be next week, it can be the day after tungod na kay we are still undergoing sa ginatawag nga validation process,” segun ni Cagatin.
Samtang alang sa mga Pantawid beneficiaries, gitino niini nga niadto pang June 15, 2020 nagsugod ang releasing sa ilang ayuda.
“Kadto pang June 15 nagsugod ang pag-release sa SAP 2ND tranche but particularly kini sa pantawid nga mga benepisyaryo kay paspas ilaha because they have already their existing cash cards so dali ang pang download sa cash grants ug sa SAP emergency subsidy,” dugang ni Cagatin.
Nangayo og pagsabot ug pasensya ang DSWD ngadto sa mga benepisyaryo karon nga padayon pa nilang ginaplastar ang releasing sa SAP 2nd tranche.
RadyoMaN Renz Barbarona
