Sa interview sa DXDC RMN Davao kang registered social worker ug project development officer Sittie Soraya Dataya pinaagi sa Serbisyong Straight to the Point kauban si RadyoMan Renz Barbarona, siya nag awhag nga dakong abri ang Home for Girls and Women alang sa mga babaye nga physically and sexually abused sa ilang pamilya, kaila o komunidad.
Ang maong residential care and facility usa ka serbisyong hatod sa DSWD Field Office XI nga naghanyag og suporta sa kababaihan sama sa spiritual enhancement, social, psychological, educational, medical, ug livelihood services nga libre.
Aduna na’y 52 ka mga kliyente ang anaa karon sulod sa pasilidad, 7-anyos ang pinakabata samtang 28 anyos ang pinakatigulang.
“Sa atong mga kababaehan sa community no, dili ta mahadlok mudool sa atong mga authorities kung kamo nakasinati og pagpangabuso either ba na physical or sexual kay naa man ang government nga mutabang ninyo,” dugang ni Dataya.
Pahinumdom sa DSWD XI sa mga babaye nga nakasinati sa samang problema nga mudangop una sa DSWD sa ilang Barangay ug sa CSWDO aron sila mahatagan og rekomendasyon ug ma-assist sa ilang opisina.
RadyoMaN Ivy Parido
