Roxas City – Ginpahanumdom ni DTI Provincial Director Mrs. Ermelinda Pollentes ang tanan nga bumalakal nga magdangup sa Consumer Welfare Desks (CWD) sang mga balaligyaan sa ti-on nga may matalupangdan nga depekto ang ginbakal nga produkto.
Suno diri nga ang CWD ang isa ka pamaagi agud nga mapaayo sang mga commercial establishments ang ila tagsa ka imahe agud mapataas ang kita. Pinaagi sini nga programa makuntento ang mga customers sa “after-sales” support kag mahimu nga magbalik sa ila balaligyaan agud liwat magpamakal.
Ginpahayag dugang ni Pollentes nga naglab-ot sa 3,355 ka mga reklamo sang bumalakal ang na-resolba pinaagi sa Consumer Welfare Desks nga gintukod sang DTI-Capiz Provincial Office sa nagkatuhay nga commercial establishments sa bug-os nga probinsya. Nahibaluan nga base sa Disyembre 31, 2016 nga record, kapin na sa 50 ka mga CWDs ang gintukod sang DTI sa probinsya sang Capiz.
Consumer Welfare Desks, DTI Capiz,
Facebook Comments
