Davao de Oro – Gimonitor karon sa mga sakop sa Department of Trade and Industry (DTI) sa probinsya sa Davao de oro ug mga sakop sa Provincial Inter Agency Task Force Covid- 19 ang mga pamatigayon nga nagbaligya’g basic commodities human mikatag ang report nga dunay mga pagpangabuso ngadto sa mga consumers pinaagi sa pagsupak sa price freeze nga gipakanaug sa Department of Agriculture (DA) Regional Office XI sa tanang agricultural products.
Sumala ni Alfonso Tabas, Provincial Inter Agency Task Force COVID-19 spokesperson, padayon ilang pag-awhag sa publiko nga mohimo og formal complain batok ngadto sa mga negosyante nga nagpahimulos sa presyo sa ilang mga produkto nga gibaligya aron mahatagaan og tukmang aksyon.
Giangkon ni Tabas, dili nila mamonitor ang tanang kalihokan sa mga negosyante sanglit kulang ang ilang personahe.
RadyoMaN Jules Catisay
