Davao City – Gipanigurado sa Department of Trade and Industry (DTI) Davao Region nga bisan pa man adunay pagsaka sa presyo sa mga pang-media noche, padayon ang ilahang monitoring aron masigurong walay dagkong patong sa presyo sa mga produkto.
Sa impormasyon gikan sa DTI XI, hugot ang ilang pakig-alayon sa mga negosyante aron magpabiling stable ang presyo ug supply sa mga baligya ilabi na karon nga nagataas ang demand.
Gikumpirma nga adunay ginagmay nga taas presyo sa mga palalitong sama sa cheese, de lata, pang-salad ug prutas sa ulahing adlaw sa Disyembre.
Giawhag usab ang mga konsumante nga mugamit og e-presyo o ang online based monitoring system nga mamahimong basehan aron mahibal-an ang saktong presyuhan una mamalengke.
RadyoMaN Ivy Parido
Facebook Comments
