DTI: Price control suportado

11

Davao City – Giklaro karon sa Department of Trade and Industry (DTI-XI) nga gilayong ipatuman ang price freeze o price control sa higayong i-deklara ang usa ka lugar ilawom sa state of calamity tungod sa katalagman.

Sumala ni DTI-XI Regional Director Belinda Ambi, gilayong ipatuman ang price control kung ang usa ka lugar gipailawom sa maong estado.

Matud ni Ambi, Inter-Agency sa pagpanguna sa DTI-XI karon ang ilang ginahimo sa pagmonitor sa Suggested Retail Price (SRP) sa Rehiyon 11 aron masuta kung kinsa ang mituman o wala.

Gipasabot ni Ambi, dili tanang lugar pareho ang SRP tungod kay dunay mga dapit daghan ang supply ubos ang presyo, naa puy taas ang presyo tungod kay gi-angkat nila ang produkto.

Giingon pa ni Ambi sa matag lugar usab lain-lain ang mga produkto nga ginabaligya hinungdang dili pareho ang SRP.

Gitataw usab sa Director sa DTI-XI, kung duna silay masayran nga taas ang SRP nga gipatuman sa usa ka negosyante ila kining pangitaan og ebidensya aron masayran ang hinungdan.

RadyoMaN Bernard Pantallon

Facebook Comments