Pagadian City – Nadawat na sa kapulisan ning syudad ang sulat nga gikan sa Department of Trade and Industry – Zamboanga del Sur nga sila makigtimbayayong sa mga otoridad sa pagpatuman sa City Ordinance Number 048 ‘An ordinance requiring all dfrivers and rider/passengers of motorcycle to wear the duly approved protective half face helmet with uncovered face while driving and imposing penalty for violation thereof.”
Gidugang sa sulat sa DTI- Zamboanga del Sur nga dunay gipagawas ang maong buhatan nga aprabadong brand sa motorcycle helmet nga pasada sa Philippine National Standards.
Nag-awhag usab ang DTI- Zamboanga del Sur nga kun dunay mga makitang namaligya og helmet nga walay tatak nga Import Commodity Clearance ug Philippine Standards mamahimong ipaabot sa ialng buhatan pinaagi sa telepono Numero 214-3326 ug sa Cellphone numbers 0935-712-1563 ug 0907-477-5368.
Mahinumduman usab nga una nang nanghinaw ang DTI nga dili kontrolado sa ahensya ang pagsaka sa presyo sa mga helmet.
